પ્રધાનમંત્રી કિસાન સન્માન નિધિ યોજના: પ્રધાનમંત્રી કિસાન સન્માન નિધિ યોજના (પીએમ કિસાન સન્માન નિધિ યોજના) હેઠળ વાર્ષિક 6,000 રૂપિયા ખેડૂતોના ખાતામાં જમા કરવામાં આવે છે. સરકારે આ યોજના હેઠળ અત્યાર સુધીમાં ખેડૂતો માટે સાત હપ્તા બહાર પાડ્યા છે.
 |
| PM Kisan Dashboard |
જો કે, આ વખતે પ્રધાનમંત્રી કિસાન સન્માન નિધીનો આઠમો હપ્તો ખેડૂતોના ખાતામાં જમા કરતાં પહેલા સરકાર દ્વારા અયોગ્ય અને ગેરકાયદેસર લાભ લઈ રહેલા ખેડૂતોને બાકાત રાખવાનો નિર્ણય લેવામાં આવ્યો છે. પ્રધાનમંત્રી કિસાન સન્માન નિધીનો આઠમો હપ્તો બહાર પાડતા પહેલા યોજનાનો લાભ મેળવતા અયોગ્ય ખેડૂતોને બાકાત રાખવાનો નિર્ણય સરકાર દ્વારા લેવામાં આવ્યો છે. જો તમે હજી સુધી આ યોજના હેઠળ નોંધણી કરાવી નથી, તો પછી તમે 31 માર્ચ પહેલાં નોંધણી કરાવી શકો છો.
પ્રધાનમંત્રી કિસાન સન્માન નિધિ યોજનાના લાભાર્થે ખેડૂતના નામે ખેતર અથવા ખેતીની જમીન હોવી જરૂરી છે. એવા ઘણા ખેડુતો પણ આ યોજના સાથે જોડાયેલા છે જેમના નામે જમીન નથી. સરકારે આવા ખેડુતોને આ યોજનામાંથી બાકાત રાખવાનો નિર્ણય લીધો છે.
અત્યાર સુધી સંયુક્ત કુટુંબના ખેડૂતો પણ આ યોજનાનો લાભ મેળવતા હતા. પરંતુ હવે કેન્દ્ર સરકારે સંયુક્ત પરિવારો માટેની પ્રધાનમંત્રી કિસાન સન્માન નિધિ યોજનાની શરતો પણ બદલી છે.
હવે સંયુક્ત કુટુંબના ખેડુતોએ નોંધાયેલ જમીનની વિગતો તેમના નામે આપવાની રહેશે. જો કોઈ ખેડૂત તેના પરિવારના ખેતરમાં કૃષિનું કામ કરે છે તો કુટુંબના તે જ ખેડૂતને આ યોજનાનો લાભ મળશે જેના નામ પર વાવેતરની જમીન નોંધાયેલ છે. પ્રધાનમંત્રી કિસાન સન્માન નિધિ યોજનાનો લાભ લેવા સંયુક્ત પરિવારોના ખેડુતોએ તેમની જમીનનો હિસ્સો પોતાના નામે નોંધાવવો પડશે.
ચાલુ નાણાકીય વર્ષનો આ છેલ્લો મહિનો હોવાથી સરકાર ટૂંક સમયમાં પ્રધાનમંત્રી કિસાન સન્માન નિધિ યોજનાના આઠમા હપ્તાની રજૂઆત કરી શકે છે. પ્રધાનમંત્રી કિસાન સન્માન નિધિ યોજના હેઠળ અત્યાર સુધીમાં બે હજાર રૂપિયાના સાત હપ્તા ખેડૂતોના ખાતામાં જમા કરવામાં આવ્યા છે.
કેન્દ્ર સરકાર હોળીના તહેવારની આસપાસ પ્રધાનમંત્રી કિસાન સન્માન નિધિ યોજનાનો આઠમો હપ્તો ખેડૂતોના ખાતામાં જમા કરી શકે છે. જો આવું થાય છે તો તે હોળીના પ્રસંગે ખેડૂતો માટે એક ભેટ હશે. જ્યારે પ્રધાનમંત્રી કિસાન સન્માન નિધિના આઠમા હપ્તા માટેની યાદી બહાર પાડવામાં આવે છે, ત્યારે ખેડૂત લાભાર્થીની સૂચિમાં તેમનું નામ ચકાસી શકે છે.
મળતી માહિતી મુજબ સરકાર ગુજરાત, મધ્યપ્રદેશ, છત્તીસગઢ યુપી અને બિહાર સહિત અન્ય રાજ્યોના ખેડૂતોની આધાર ચકાસણી કરશે. આ સમય દરમિયાન, પીએમ કિસાન સન્માન નિધિ (પીએમ કિસાન સન્માન નિધિ) ની રકમનો લાભ ખેડૂતોને આપવામાં આવશે નહીં.
જો તમારા આધારમાં કોઈ પણ પ્રકારની ભૂલ છે તો તેને 31 માર્ચ સુધીમાં ઠીક કરો નહીં તો તમારો પ્રધાનમંત્રી કિસાન સન્માન નિધીનો આઠમો હપ્તો અટકી શકે છે. તમે આધાર કાર્ડને ઓનલાઇન પણ સુધારી શકો છો. તો ચાલો આપણે અહીં જાણીએ કે આધારકાર્ડમાં થતી ભૂલને કેવી રીતે સુધારવી.
ખેડૂતોએ તેમના આધારકાર્ડની ઝેરોક્ષ કોપિ લીધા પછી બેંક શાખામાં જવું પડશે. ધ્યાનમાં રાખો કે તમારે એ જ બેંક અને શાખામાં જવાનું છે,જેનું એકાઉન્ટ તમે પ્રધાનમંત્રી કિસાન સન્માન નિધિ યોજનામાં આપ્યું છે. બેંકમાં જઈને અધિકારીને કહો કે તમારે બેંક ખાતાને આધાર સાથે લિંક કરવાનું છે. બેંક કર્મચારી તેમારા ખાતાને આધાર સાથે જોડશે. આ માટે તમારે બેંકમાં કોઈપણ જાતનો શુલ્ક આપવાનો નથી.
હવે તમારે https://pmkisan.gov.in/ પોર્ટલ પર લોગિન કરવાનું છે. Payment Succes ટેબની નીચે ભારતનો નકશો દેખાશે. અહીં Dashboard લખેલું હશેતેના પર ક્લિક કરો. એક નવું પૃષ્ઠ ક્લિક થતાંની સાથે જ ખુલશે. આ Village Dashboard નું પેજ છે. અહીં તમે તમારા ગામની સંપૂર્ણ વિગતો લઈ શકો છો. અહીંયા સૌથી પહેલા રાજ્ય પસંદ કરો, ત્યારબાદ તમારા જિલ્લો પછી તાલુકો અને ત્યારબાદ તમારા ગામને સિલેક્ટ કર્યા પછી Show બટનને ક્લિક કરો. અહીંયા સંપૂર્ણ વિગત તમારી સામે હશે વિલેજ ડેશબોર્ડની નીચે ચાર બટનો હશે, જો તમે કેટલા ખેડુતોનો ડેટા પહોંચી ગયો છે તે જાણવા માંગતા હો, તો ડેટા રિસીવ્ડ પર ક્લિક કરો. કેટલા ખેડૂતોનો ડેટા પહોંચવાનો બાકી છે તે જોવા બીજા બટન પર ક્લિક કરો.
%20(10).jpeg)
0 Comments