પશુઓમાં થતા ગળસૂંઢો રોગના લક્ષણો અને તેની સારવાર વિશે જાણી લો.

Neck disease in animals
Source : Internet

નમસ્કાર ખેડૂત મિત્રો આજે આપણે ચોમાસા દરમિયાન પશુઓમાં થતા રોગોમાંથી એક એવા ગળસૂંઢા વિશે જાણીશું.

ગળસૂંઢો

આ રોગ મુખ્યત્વે ચોમાસાની ઋતુમાં ગાય, ભેંસ, બળદ અને ઘેટા-બકરાંમાં થાય છે. ગળસુંઢોએ અતિ તીવ્ર કે તીવ્ર પ્રકારની જીવાણુંજન્ય ચેપી રોગ છે. જે વાતાવરણીય તાણગ્રસ્ત અને વરસાદમાં સતત પલળતા થાકેલા પશુઓમાં વધુ જોવા મળે છે. આ રોગમાં શ્વાસચ્છોશ્વાસની તકલીફ થવાથી પશુ અચાનક મરણ પામે છે.

ગળસુંઢોનું લક્ષણો:

  1. પશુને 105° થી 107° ફેરનહીટ જેટલો ઊંચો તાવ આવે છે.
  2. પશુ ધ્રુજવા માંડે છે અને ખાવા-પીવાનું બંધ કે ઓછું કરી દે છે.
  3. પશુની આંખો લાલ થઇ જાય છે અને આંખોમાંથી પાણી પડવા માંડે છે.
  4. પશુની ગરદન તેમજ જડબાના નીચેના ભાગે પીડાદાયક સોજો આવે છે.
  5. પશુને શ્વાસ લેવામાં તકલીફ પડે છે અને ગળામાંથી અલગ પ્રકારનો ઘરારટીભર્યો અવાજ આવે છે.
  6. ક્યારેક નાક અને મોમાંથી લોહી પડે છે જેના કારણે પશુ અચાનક જમીન પર ઢળી પડે છે. મોઢામાંથી લાળ ટપકે છે અને પશુ મરણ પામે છે.

ગળસૂંઢો રોગ અટકાવવાના ઉપાયો :

  1. પશુને દર વર્ષે ચોમાસાની શરૂઆત થતાં પહેલાં બે-ત્રણ અઠવાડિયા (મે-જૂનમાં) આ રોગ માટેની રોગ પ્રતિકારક રસી મૂકવી જોઈએ, જેથી પશુ આ ભયાનક રોગથી સુરક્ષિત રહે.
  2. બીમાર પશુને અન્ય તંદુરસ્ત પશુઓથી અલગ કરી દેવું જોઈએ અને ખોરાક-પાણી અલગથી આપવા જોઈએ.
  3. આવા રોગના કારણે જો પશુ મૃત્યુ પામ્યા હોય, તો જે તે રહેઠાણની જગ્યાને જીવાણુનાશક દવા જેવી કે ફીનાઇલ અથવા તો ચુનાથી ધોઈને સાફ કરી દેવી જોઇએ.
  4. પશુનું રહેઠાણ એકદમ સ્વચ્છ અને સાફ રાખવું જોઈએ.
  5. આવા રોગના લક્ષણો દેખાવા લાગે તો તાત્કાલિક પશુ ચિકિત્સક નો સંપર્ક કરી આવશ્યક દવાઓના ઈજેકશન અપાવી સારવાર કરાવવી જોઈએ.

નીચે આપેલા ફેસબુકના બટનથી તમારા ફેસબુકમાં આ પોસ્ટને શેયર કરો જેથી આ માહિતી વધારેને વધારે ખેડૂતમિત્રો સુધી પહોંચાડી શકાય. એજ રીતે તમે વોટ્સએપ પર પણ આ પોસ્ટને શેયર કરી શકો છો.

Post a comment

0 Comments